Хронично болните и родителите се враќаат на работа

Владата на денешната седница донесе одлука вработените лица со хронични болести, како и оние кои користеа продолжено породилно отсуство од 23 септември да се вратат на своите работни места. Исклучок, според соопштението, ќе бидат лицата кај кои болеста е во фаза на влошување и за оние со малигна болест.

Градинките ќе почнат со работа на 9 септември

На работа исто така треба да се вратат и родителите чии деца се до шестгодишна возраст, имајќи предвид, како што наведуваат од Владата, дека детските градинки отпочнаа со активности за згрижување и воспитание на деца од 9 септември.

Градинките отворени, да се алармира и при најмал сомнеж за корона

Родителите чии деца од шест до 10 годишна возраст се вклучени во воспитно – образовниот процес во училиште, без разлика на начинот (со физичко присуство или од далечина) исто така треба од 23 септември да се вратат на работа.

Од 1100 училишта само 36 поднеле барање за настава во живо

Владата воедно го задолжи Министерството за труд и социјална политика да испрати писмено укажување до сите детски градинки да продолжат со упис и згрижување на деца, особено на оние деца чии двајца родители се во работен однос, без разлика дали работат од дома или одат на работа.

Владата го прифати и Предлогот за изменување на Протоколот за активности во установите за згрижување и воспитание на деца и тоа: воспитните групи за деца до две годишна возраст да имаат максимум по 12 деца и двајца вработени во смена.