За 24 часа 1674 тестирања, 186 нови корона позитивни и 7 починати

Министерството за здравство денеска соопшти дека во последните 24 часа се направени 1674 тестирања, а регистрирани се 186 нови случаи на ковид-19, 7 починати и 85 оздравени пациенти.

Новите случаи на Ковид-19 се регистрирани во: Скопје-56, Куманово-16, Штип-8, Прилеп-7, Тетово-10, Струга-6, Велес-1, Битола-6, Охрид-2, Кавадарци-4, Гостивар-18, Гевгелија-5, Струмица-12, Крива Паланка-3, Радовиш-2, Кочани-17, Пробиштип-1, Македонски Брод-1, Валандово-1, Делчево-4, Свети Николе-2, Кичево-3 и Ресен-1.

„Денеска Институтот за јавно здравје регистрира 85 оздравени пациенти.  Починати се 7 лица, еден пациент од Куманово (53г), двајца пациенти од Струга (68 и 70г), еден од Гостивар (61г) и тројца пациенти од Делчево (43, 60 и 78г). Сите пациенти се починати во болнички услови“, соопшти Министерството за здравство.

Втор случај на корона позитивно дете по отворање на градинките

Вкупната бројка на ковид дијагностицирани во нашата земја од почетокот на епидемијата изнесува 16274, бројката на оздравени пациенти е 13635, на починати е 675, а во моментов бројот на активни случаи во земјата изнесува 1964.