Приведени 20 лица на протести во рудник во Белорусија

Белоруската полиција привела 20 лица на протести во рудникот Белорускали за поддршка на работник кој одбил да се врати на површината во знак на протест против раководството и владата на претседателот Александар Лукашенко.

"Сега се постапува со рударите. Можеби некои ќе бидат ослободени. Ќе треба време да се открие кој учествувал во акцијата, а кој не. Исто така е можно сите рудари да не биле приведени", изјави портпаролот на регионалната полиција во Минск, Серхиј Чабатаров.

Демонстрантите го поддржуваа Алех Куџиолка, кој денеска им предаде протестна нота на неговите колеги во синдикатот во рудникот на крајот од неговата смена, велејќи дека тој ќе остане стотици метри под земја додека не бидат исполнети неговите барања.

Полицијата во Белорусија со бодликава жица ќе се бори против демонстрантите

Според синдикатот на рудникот, Куџиолка бара оставка на директорот на компанијата и ослободување на другите рудари кои беа приведени во последните неколку недели на антивладините протести во земјата.

Белорусија: полицијата апси, масовните демонстрации продолжуваат

Тој исто така побарал белоруските безбедносни сили да престанат да ги приведуваат и тепаат демонстрантите кои маршираат во Минск и на други места речиси секојдневно против Лукашенко.