Лидерите на Британија и ЕУ на разговори за Брегзит
Главниот преговарач на ЕУ, Мишел Барние и неговиот британски колега Дејвид Фрост објавија на Твитер дека Џонсон и фон дер Лајен ќе се консултираат.
„По една недела интензивни преговори во Лондон, двајцата главни преговарачи денес се согласија дека не се исполнети условите за договор, поради значителните разлики во рамноправните услови, управувањето и риболовот“, се вели во заедничкото соопштение на Твитер.
Во соопштението се наведува дека главните преговарачи одлучиле да ги „паузираат“ разговорите со цел да ги информираат политичките лидери, кои ќе одлучат дали може да се надминат значителните разлики.
Барние и Фрост со последни обиди за договор за Брегзит
Барние и Фрост ги продолжија разговорите лице в лице на 28 ноември со цел да постигнат договор што ќе ги опфаќа трговските услови, како и областите како што се риболов, државна помош, решавање спорови, полициска и судска соработка и аранжмани за социјално осигурување.