Примени 26 нови пациенти во ковид-центрите во Скопје

Министерството за здравство соопшти дека во изминатите 24 часа во ковид-центрите во Скопје се хоспитализирани 26 нови пациенти поради компликации од коронавирусот. Вкупно 443 лица сомнителни и потврдени за ковид-19 се лекуваат на инфективните оддели во главниот град. Голем дел од нив се на кислородна поддршка.

Нови 984 случаи на корона, оздравени 631, а починати 24 пациенти

Во изминатите 24 часа дома се пуштени 10 оздравени пациенти. Од министерството посочуваат дека и покрај големиот број приеми во текот на вчерашниот ден, утрово до 8 часот имало 30-тина слободни места, а се очекува во тек на денот по направените исписи на оздравените пациенти да се ослободат и дополнителни места и на Клиниката за инфективни болести и во ГОБ 8 Септември.

Од Министерството наведуваат дека сите инфективни одделенија имаат довод на кислород и можат да згрижат пациенти кои имат потреба од кислородна подршка.