Владата платила аванс за вакцини за 400.000 граѓани

Владата ја утврди банкарската гаранција за да потврди дека ќе биде исплатена целата сума за набавка на вакцината против КОВИД-19 и го плати авансот за ковид вакцината, соопшти премиерот Зоран Заев и додаде дека првите вакцини преку Ковакс системот би стасале во првите месеци на следната година.



Теориите на заговор и ковид 19 на Балканот


„Во делот на набавка на вакцините би сакал прво да повторам дека веќе се обезбедени 833.000 вакцини за популација од околу 400.000 граѓани за вакцина и ревакцинација во рамки на Ковакс. Во овој систем ќе ги добиваме вакцините согласно планот за дистрибуција, кој ќе го одреди Ковакс. Вакцините се очекуваат во првите месеци од 2021“, информираше Заев.


Според него, од обидите за директен контакт со два фармацевтски гиганти – производители на вакцината, сѐ уште нема резултати.