СДСМ не ги поддржува измените на Законот за државјанство во предложената форма
Пред пописот во април, до државјанство што побрзо и со сведоци
Во соопштението на СДСМ се наведува дека ќе разговараат со предлагачот и со другите пратенички групи, и како што наведуваат, преку амандмани ќе се направат измени, за да се дојде со соодветно решение.
Измените на текстот на Законот за државјанство влегуваат во скратена процедура во Собранието бидејќи се работи за долгогодишен проблем за државата, се наведува во соопштението на СДСМ.
Алијансата за Албанците и Алтернатива поднесоа измени на Законот за државјанство според кои со тројца сведоци многу граѓани во земјата би се стекнале со македонско државјанство.
Министерот за внатрешни работи Оливер Спасовски очекува веќе в понеделник МВР да излезе со став во однос на Предлог-законот за државјанство предложен од пратеници во Собранието. Се уште се прават проценки за тоа колку граѓани би требало да добијат државјанство со ваквите измени на законот.