По 500 евра бонус за здравствените работници во ковид центрите

Еднократна награда во висина од 30 илјади денари (околу 500 евра), ќе добијат 7600 вработени во јавното здравство кои работат со ковид пациенти, соопшти денеска министерот за здравство Венко Филипче при денешната посета на Клиничката болница во Штип.


За новогодишните празници сите вработени во јавно-здравствените установи кои работат со ковид пациенти, а тоа се лекари, медицински сестри, помошно-технички персонал, болничарите, транспортерите, техничките лица кои работат во тие одделенија каде се лекуваат пациенти со ковид-19, ќе добијат еднократна награда, посочи Филипче.



Неделен ковид биланс – Помалку заразени и починати


Во Штип почна поставувањето на модуларната болница лоцирана во близина на детскиот одделение во рамки на Клиничката болница во Штип. Во модуларната болница ќе има 42 кревети наменети за ковид пациенти.