Членките на СЗО ќе се состанат заради новиот коронавирус

Светската здравствена организација (СЗО) ќе свика состанок на членките да ги разгледа стратегиите за борба против новиот, позаразен вид на коронавирус што се појави во Велика Британија, изјави денеска шефот на СЗО за Европа,Ханс Клуге, не прецизирајќи го датумот на состанокот.

„Ограничувањето на патувањата со цел да се сузбие ширењето на вирусот е мудро се додека немаме повеќе информации. Синџирите за снабдување со основни прозиводи и нужните патувања треба да останат можни“, напиша Клуге на Твитер и притоа повика на засилени превентивни мерки.

Британија во изолација, почнува вакцинирање и во земјите на ЕУ

СЗО вчера соопшти дека новиот вид коронавирус, откриен во Велика Британија, за кој се покажа дека се шири побрзо од претходната варијанта, „не е надвор од контрола“.