Мицкоски не дојде да сведочи за Организатори на 27 април

Во Основниот кривичен суд Скопје денеска продолжи судењето на обвинетите за организирање на настаните во Собранието од 27 април 2017 година. Денешното рочиште е за сослушување на сведоци предложени од одбраната, меѓу кои и поранешниот скопски градоначалник Коце Трајановски.

Како сведок на денешното рочиште бил повикани и лидерот на ВМРО-ДПМНЕ, Христијан Мицкоски, но не дошол во судот поради приватни причини. Од партијата соопштија дека нивниот претседател имал однапред закажани обврски и затоа бил спречен, но дека „ако биде уредно поканет, со задоволство ќе сведочи“.

Коце Трајановски пред Судот рече дека во ВМРО-ДПМНЕ немале донесено никаква одлука за поддршка на протестите, кои, како што додаде, ги оцениле „како мирни и спонтани“, но не учествувале во нив.

Заев: Вељаноски, Јанакиески и Ристовски не се организатори на „27 април“, туку Груевски

Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски. Тие се товарат дека сториле кривично дело „терористичко загрозување на уставниот поредок и безбедноста”.