Нови 493 заразени со Ковид19, 15 починати во последните 24 часа
Министерството за здравство информира дека во последните 24 часа се направени 2366 тестирања, а регистрирани се 493 нови случаи на Ковид-19. Од нив најмногу во Скопје-210, а потоа следуваат Велес-34, Кавадарци-32, Куманово-28, Охрид-24 , Гевгелија и Струмица по 17, Битола-15 и Штип и Прилеп по 14 новозаразени. Неколку други градови имаат по едноцифрена бројка новозаразени.
Починати се 15 лица, четири пациенти од Скопје, еден од Куманово, двајца од Струга, еден од Велес, двајца пациенти од Битола, еден од Охрид , еден од Кавадарци, еден од Богданци, еден пациент од Крива Паланка и еден пациент од Неготино. Пациентите се починати во болнички услови, а најмладиот починат е 35 годишен кумановец.
МЗ- првите дози на вакцината против Ковид19 во Македонија ќе пристигнат во февруари
Денеска Институтот за јавно здравје регистрира 450 оздравени пациенти. Вкупната бројка на ковид дијагностицирани во нашата земја од почетокот на епидемијата изнесува 82794, бројката на оздравени пациенти е 60706, на починати е 2488, а бројот на активни случаи изнесува 19600.