Филипче со апел до граѓаните за новогодишната ноќ

Министерот за здравство Венко Филипче апелира до граѓаните празниците да ги поминат во кругот на најблиските, без групирање и со почитување на мерките. Тој во својот предновогодишен пост на Фејсбук им се заблагодари на медицинските работници посочувајќи ги како херои во здравствената криза.


„Оваа 2020 беше тешка година за сите нас, но вие, нашите херои – здравствени работници заслужувате посебно внимание и почит. Десет месеци борба за спас на сечиј човечки живот. Десет месеци без одмор, во континуиран стрес грижејќи се за нашите и ваши семејства, пријатели, колеги. Вие најдобро знаете колку непроспиени ноќи сте имале, на колку пациенти им била потребна здравствена заштита, но и на колку повици за совет сте помогнале“, напиша својот фејсбук профил министерот за Филипче.


Тој во апелот за граѓаните истакна дека ако се почитуваат препораките тогаш со тоа ќе им се помогне на лекарите и сестрите да ги поминат и тие празниците со помалку работа и колку толку да одморат.


„Дел од нив ќе бидат дежурни и за време на празниците, Ве молам да им олесниме. Мои колеги и наши херои – Ви благодариме за целиот ваш хуман труд и професионалност! Ви благодариме што издржавте и покрај тоа што сте уморни. Вие сте нашата гордост и сила! Ви посакувам среќни новогодишни и божикни празници!, објави Филипче на својот ФБ профил.