Трагедија во БиХ: Осум деца се задушиле со плин
Најмалку осум млади лица починале како последица на гушење од гас во Босна и Херцеговина, пренесуваат локалните медиуми. Несреќата се случила во местото Трибистово, во општината Посушје на југот од БИХ.
Како што пренесува порталот „Кликс“, во викендица биле пронајдени телата на осум тинејџери кои биле ученици во четврта година во средно училиште и студенти.
Се претпоставува дека младите луѓе најверојатно се загушиле од гас од агрегат, преку кој се напојувала струја во куќата. Трагедијата се случила за време на новогодишната прослава. Увидот е во тек, а во текот на денот се очекуваат повеќе информации.