За 24 часа во Македонија 381 казна за неносење заштитна маска
Во изминатите 24 часа, на територијата на цела Македонија, казнети се 381 лице за неносење лична заштита на лице, согласно задолжителните мерки за спречување на ширењето на коронавирусот, информираше денеска Министерството за внатрешни работи (МВР).
МВР и во денешното соопштение апелира до граѓаните да ги почитуваат мерките и протоколите донесени од Владата, со цел справување со Ковид-19. Казната за непочитување на оваа мерка изнесува 20 евра.