Спасовски: За Водици со посебен план за да нема собири, разговарано е и со МПЦ
За време на утрешниот празник Водици, полицијата ќе има зголемена активност и има изготвено посебни планови за спречување на собири како мерка против ширењето на коронавирусот, информираше на денешната прес-конференција министерот за внатрешни работи Оливер Спасовски.
„Јас очекувам дека ќе бидеме на висина на задачата и во утрешниот ден. Секако, тој што нема да почитува ќе сноси одговорност“, наласи Спасовски и додаде дека за планираните активности и за мерки е разговарано и со Македонската православна црква (МПЦ).
Тој упати апел до верските заедници и граѓаните да ги почитуваат мерките за време на утрешниот празник. Водици во Македонија се прославува со големи народни собири во сите градови и села со вадење на светиот крст од осветените води на реките, езерата...