Времето- многу студено утро, подоцна сончево и потопло

Времето изутринава е ведро и многу студено, а преку денот ќе биде сончево со мала до умерена облачност. Ќе дува слаб до умерен ветер претежно од југозападен правец.

Утринските темепратури, според УХМР, се движат од минус 13 до минус четири, а дневните ќе бидат од минус еден до осум степени.

Во Скопје слично време со минимална температура од минус девет и максимална од четири степени.

Утре на планините во западните делови ќе има услови за повремен снег. Во наредните денови ќе преовладува променливо облачно и потопло време со повремени врнежи од дожд, а на планините од снег со променлив интензитет.

Во деновите од викендот ќе дува умерен до засилен јужен ветер. Поради јужното воздушно струење ќе има пораст на утринските и дневните температури, што ќе предизвика побрзо топење на снегот.