Апсења на протестите низ Русија за ослободување на Навални

Илјадници демонстранти денеска повикуваат на ослободување на опозицискиот руски политичар Алексеј Навални, кој е критичар на Кремљ и кој беше уапсен минатиот викенд кога се врати во Москва по лекувањето во Германија од труење со новичок.

Првите митинзи започнаа во Сибир и на далечниот исток и покрај ниските температури и силното присуство на безбедност. Според извештаите, протестите се најверојатно најголеми во Русија од март 2017 година кога се одржаа координирани антивладини демонстрации во 99 градови низ земјата.

Портпаролката на Навални осудена на 9 дена затвор за повикување на протести

Во меѓувреме, дописникот на РСЕ во Москва објави дека властите апселе лица кога тие започнале да се собираат на плоштадот Пушкин во руската престолнина пред почетокот на протестите.

Групата ОВД-Инфо, која ја следи активноста на руската полиција, објави дека имало најмалку 174 апсења низ 25 градови пред планираниот протест во Москва - додавајќи дека властите во Хабаровск, наводно, тепале притвореници.