Со коронавирус заразени 22 вработени на Клиниката за нефрологија

На Клиниката за нефрологија има девет лекари, осум медицински сестри, еден лаборант, еден психолог и тројца болничари кои во моментов се заразени со ковид-19, информираат од Министерството за здравство.


Меѓу заразените е и директорката на Клиниката, Ирена Бушлетиќ.


Изворот за заразата, како што посочуваат од Министерството, сè уште не е конкретизиран со оглед на тоа што во моментов се спроведуваат епидемиолошките анкети.



Во Македонија 394 нови ковид позитивни и 9 починати


Работата на Клиниката се одвива регуларно и тековните обврски се завршуваат од страна на вработените кои го надополнуваат отсуството на оние кои се заразени или се во изолација, потенцираат од Министерството за здравство.