Србија тврди дека е трета во Европа според ковид вакцинирани

Во Србија досега се вакцинирани 322.598 лица против коронавирусот, со што Србија е на третото место во Европа според бројот на вакцинирани на милион жители, после Велика Британија и Малта, соопшти денеска српската влада, од каде додаваат дека во регионот, Србија е прва според бројот на вакцинирани на милион жители, по што следуваат Романија и Словенија.

Вучиќ: Сакаме да направиме фабрика за вакцини, секој си гледа за себе

Во регионот во однос на вкупниот број вакцинации, Романија е на прво место со 528.378 вакцинирани граѓани. Повеќе од 70 милиони луѓе во 65 земји примиле една од седумте вакцини за коронавирус што се користат, а Србија со 4,5 поделени дози на 100 жители е седма на генералната листа и втора меѓу европските земји.

Според листата објавена од „Фајненшл тајмс”, според бројот на вакцинирани убедливо прв е Израел со дадени 44,7 дози на вакцини на 100 жители.