Новото бугарско собрание на прва седница на 15 април
Претседателот на Бугарија, Румен Радев ќе го свика новоизбраниот бугарски парламент на 15 април, пишува весникот „Труд“. Како што јави дописникот на МИА од Софија пред неколку дена, бугарскиот претседател јасно стави до знаење дека нема намера да ја одложува постапката за свикување на новоизбраниот парламент.
Партијата на Борисов во мај ќе бира ново раководство
Според бугарскиот Устав, претседателот мора да го свика новоизбраното Национално собрание до 4 мај. Сепак, поради велигденските празници, Радев сакаше новиот парламент да започне со работа што е можно поскоро. На првото заседание, новите пратеници полагаат заклетва и официјално ја преземаат функцијата.
На истиот состанок, владата на Бојко Борисов мора да поднесе оставка, но таа ќе продолжи да ги извршува своите овластувања се додека не биде избрана новата влада од новиот парламент или привремена влада биде назначена од претседателот Радев.