И Алтернатива и Алијанса ќе ги повлечат амандманите за државјанство
Коалицијата на Алијансата за Албанците и Алтернатива денеска најави дека ќе ги повлечат амандманите поднесени во Собранието за законите од петтиот пакет на економски мерки. Елми Азири од Коалицијата Алијанса за Албанците и Алтернатива изјави дека штом ќе се деблокира дебатата во Комисијата за одбрана и безбедност за законот за државјанство, тие ќе ги повлечат нивните амандмани од Комисијата за финансирање и буџет за законите за петтиот пакет економски мерки.
ВМРО-ДПМНЕ ќе ги повлече амандманите на законот за државјанство
ВМРО-ДПМНЕ, претходно денеска, соопшти дека ќе ги повлече своите амандмани што ги поднесе во Собранието за Предлог законот за државјанство, што го достави опозициската коалиција Алијанса/Алтернатива. Од опозициската партија рекоа дека се надеваат дека со тоа „конечно ќе се изгласа петтиот пакет на мерки за помош на граѓаните и стопанството“.