САД препорачуваат „пауза“ за вакцината на „Џонсон и Џонсон“

Соединетите држави препорачуваат „пауза“ во примената на еднократната доза на вакцината „Џонсон и Џонсон“ против КОВИД-19 за да се испитаат извештаите за потенцијално опасни тромби.

Центарот за контрола и превенција на болести и Администрацијата за храна и лекови во заедничкото соопштение велат дека истражуваат тромби кај шест жени во комбинација со намален број на тромбоцити во деновите по вакцинацијата, објави АП.

„Џонсон и Џонсон“ почна со достава на ковид вакцини во ЕУ

Официјални лица од овие институции изјавија дека сè додека не заврши процесот, тие препорачуваат „пауза“ на употребата на оваа вакцина како превентивна мерка.

Повеќе од 6,8 милиони дози од оваа вакцина се дадени во САД.