Во ковид центрите има 1687 пациенти и околу 340 слободни места
Вкупниот број на пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 1687 и има околу 340 празни болнички кревети во ковид центрите, информираше денеска Министерство за здравство.
„Во тек на денот се прават и исписи на оздравени пациенти со што ќе се ослободат дополнителни легла. Инаку, сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени“, соопшти Министерство за здравство.
Филипче: 200.000 кинески вакцини пристигнуваат на крајот на месецов
Денеска министерот за здравство, Венко Филипче, изјави дека од Кинеската амбасада најавиле околу 28 месецов државата да очекува 200.000 вакцини од Синофарм, а вчера Филипче најави и дека на 19 и на 26 април ќе пристигнат по 10 илјади вакцини против ковид-19 од Фајзер.