Нови 33 починати од ковид-19 и 489 новозаразени со коронавирус

Во изминатото деноноќие се регистрирани 33 починати пациенти од последици од ковид-19 и евидентирани се 489 нови случаи на заболени со коронавирусот од направени 2.841 тестирања, соопштуваат од министерството за здравство. Од пријавените 33 починати пациенти, 15 се од Скопје од кои најмладиот имал 47 години додека најстариот починат пациент бил на 80 годишна возраст.


Најголем број на новозаразени со ковид -19 се забележани во Скопје 155, потоа во Битола – 52 и Куманово – 47. Вкупната бројка ковид-дијагностицирани лица во земјава од почетокот на епидемијата изнесува 149.710, бројката на оздравени пациенти е 127.139, на починати е 4.628, а бројот на активни случаи изнесува 17.943.