Мета, Рама, Баша, како и косовскиот премиер Курти гласаа на изборите во Албанија
Претседателот Илир Мета по гласањето ги повика граѓаните масовно да излезат и да гласаат.
Албанија гласа, изборите клучни за интеграција во ЕУ
Лидерот на Социјалистката партија и премиер Еди Рама по гласањето изјави дека денеска е убав ден за да граѓаните го „шутнат својот пенал, односно да гласаат“.
Неговиот најголем опонент, претседателот на Демократската партија, Љуљзим Баша, откако гласаше рече дека ова е историски ден и ги повика граѓаните да излезат и масовно да гласаат.
Правото на глас денеска во Тирана го оствари и косовскиот премиер Албин Курти, кој денешниот ден го нарече ден на демократијата и посака убави денови и благосостојба за Албанија.