Поврзаност на експлозиите во складишта за муниција во Бугарија и Чешка?
„Од досега собраните докази, со висок степен на сигурност може да се заклучи дека целта на акциите на руските граѓани била да се прекине снабдувањето со специјални производи за Грузија и Украина“, изјави портпаролот на јавното обвинителство, Сика Милева.
Таа исто така рече дека постои „разумна претпоставка“ дека овие инциденти се поврзани со скоро фатално труење на бугарскиот дилер на оружје Емилијан Гекрет во 2015 година и експлозијата во чешки складишта за муниција во 2014 година.
„Може да се направи разумна претпоставка за врската помеѓу експлозиите на територијата на Република Бугарија, труењето на тројца бугарски државјани и сериозните злосторства извршени на територијата на странска земја“, рече портпаролката.
Руски агенти во време на експлозии во фабрики за оружје во Бугарија
Чешка на почетокот на овој месец го обвини руското воено разузнавање дека стои зад експлозијата во депо за муниција во октомври 2014 година во градот Врбетице при која беа убиени две лица.Подоцна чешката влада протера 18 руски дипломати за кои се сметаше дека се шпиони, покренувајќи низа потези меѓу Прага и Москва.
Во знак на солидарност, неколку членки на НАТО и ЕУ исто така протераа руски дипломати. Русија негираше каква било вмешаност во инцидентите во Бугарија и Чешка.