Вархеји идната недела во посета на Балканот, стигнуваат и вакцините од ЕУ
Еврокомесарот за проширување Оливер Вархеји соопшти дека идната недела ќе го посети Западен Балкан, а дека посетата ќе следува откога ќе почнат да стигнуваат првите вакцини против Ковид19 финансирани од ЕУ наменети за балканските земји. Тој ова го објави денеска на својот официјален профил на социјалната мрежа Твитер.
Со кинеските вакцини започнува имунизацијата низ цела држава
Европската унија неодамна постигна договор со компанија Фајзер за регионот од мај до август да добие 651.000 дози вакцина против коронавирусот. Според најавите Босна и Херцеговина ќе добие најголем дел од вакцините – 240.000 дози, следна од Албанија 145.000, Северна Македонија 119.000, Косово 95.000, Црна Гора 42.000, а Србија ќе добие 36.000 дози.
ЕУ наскоро ќе испрати 650.000 вакцини за Западен Балкан
Како што дознава РСЕ од извори во Европската комисија Вархеји ќе ја почне посетата во Србија во понеделник на трети мај, а во вторник на четврти мај, ќе ги посети Црна Гора, Северна Македонија и Босна и Херцеговина. Посетата на регионот ќе ја заврши на петти мај во Албанија и Косово.
Европската комисија во декември усвои пакет од 70 милиони евра за помош на земјите од Западен Балкан во пристапот до вакцините против Ковид19.