„Ида“однесе најмалку 14 животи во Њујорк и Њу Џерси
Девет жртви се од Њујорк, меѓу кои и двегодишно момче. Осум лица загинаа во станбени подруми, изјави комесарот на њујоршката полиција Дермот Ши, додавајќи дека осум од деветте потврдени мртви се во округот Квинс.
„Тоа е незамислива загуба за Њујорк и за Квинс“, рече тој.
Едно тело е пронајдено во возило, а се очекуваат повеќе смртни случаи во Филаделфија, каде што официјалните лица објавија „повеќекратни смртни случаи“, без да дадат детали.
Најмалку осуммина загинати во поплавите во Њујорк
Ураганот Ида го погоди централниот дел од источниот, атлантски брег на САД, предизвикувајќи поплави и торнада.
Ураганот Ида кој беше од 4 категорија со ветрови со брзина до 240 километри на час, откинувајќи покриви и уривајќи далноводи, се приближи кон брегот во неделата. Тој претставува еден од најсилните урагани што некогаш го погодил тој регион, јавува новинската агенција Асошиетед Прес. Спасувачките екипи извлекоа стотици луѓе од надојдената вода на 30 август, откако ураганот Ида ја погоди американската држава Луизијана, оставајќи пустош.
Научниците предупредија на зголемена активност на различните циклони поради загревањето на површината на океаните и климатските промени, што претставува сè поголема закана за крајбрежните населени места во целиот свет.