ОН: Одговорот на Талибанците на протестите во Авганистан е насилен

Канцеларијата на Обединетите Нации за човекови права денеска соопшти дека одговорот на Талибанците на мирните протести во Авганистан бил се понасилен, при што властите користеле муниција, палки и камшици и убиле најмалку четворица демонстранти.

Протестите, предводени главно од жени, претставуваат предизвик за новата исламистичка талибанска влада, која се обидува да ја консолидира контролата по заземањето на главниот град Кабул, пред речиси еден месец.

„Ја видовме реакцијата на Талибанците, која е за жал тешка“, рече Равина Шамдасани, портпарол на ОН за човекови права, на прес -конференција во Женева, додавајќи дека ОН документирале четири смртни случаи од огнено оружје.

Сепак, таа рече дека механизмот на Талибанците да ги задуши протестите, а заканите за отпуштања од работа придонесе до тоа многумина да се откажат од излегување на улица.

Кој е Мавлеви Ахунџада, „врховниот лидер“ на Талибанците во Авганистан?

САД загрижени за новата талибанска влада во Авганистан

Шамдасани истакна дека Обединетите Нации исто така добиле извештаи за претреси од куќа до куќа за оние што учествувале во протестите. Новинарите што известуваат за протестите исто така биле цел на заплашување.

„Во еден случај, беше објавено дека на еден новинар, додека го удираа по  глава, му рекоа: Имаш среќа што не ти е отсечена главата“, рече Шамдасани, додавајќи дека има многу заплашувања на новинарите кои само си ја работат својата работа.