Дел од пациентите спасени од пожарот во тетовската болница пуштени дома

Седум од дванаесетте пациенти кои беа спасени од пожарот и примени во модуларната болница во Тетово како оздравени од Ковид-19 и опоравени се пуштени од болничко лекување и се наоѓаат во своите домови, информираат од Ковид центарот при Клиничката болница.

За 24 часа починала една пациентка со ковид-19, родена 1963 година, а хоспитализирана во интернистичкиот блок на ковид центарот.

Изгоре ковид-центарот во Тетово, потврдени 14 починати

„Седум пациенти кои беа спасени од пожарот и примени во модуларната болница се пуштени дома, додека другите се сè уште се хоспитализирани. Ковид центарот кај нас има доволен персонал за здравствена заштита“, изјави денес д-р Гзим Нуредини, координатор во Ковид центарот.

Новопримени на болничко лекување се тројца пациенти. Во моментот има 40 хоспитализирани пациенти, а за 24 часа имало 81 прегледи во амбулантата.

Во пожар во модуларната болница во Тетово што изби вечерта на 8 септември загинаа 14 луѓе, а 12 пациенти се спасија.