Високи владини претставници на Киргистан се сретнаа со талибанците во Кабул

Талибанците соопштија дека двајца високи претставници на владата на Киргистан дошле во Кабул на разговори со лидерите на групата, што претставува и највисока киргистанска делегација која се среќава со нив откако ја преземаа власта во Авганистан во средината на август.

Извршниот министер за надворешни работи на талибанската влада Амир Кан Мутаќи се сретнал со заменик претседателот на киргистанскиот совет за безбедност Талатбек Масадуков и со шефот на одделот за надворешна политика во претседателскиот кабинет Јенбек Кулубаев, напиша на Твитер портпаролот на талибанците Забихула Муџахид.

Кој е Мавлеви Ахунџада, „врховниот лидер“ на Талибанците во Авганистан?

Засега за ова нема потврда од официјален Киргистан. Талибанскиот портпарол напиша и дека Мутаќи ги поздравил, им се заблагодарил за поддршката, нагласувајќи дека состанокот бил посветен на билатералните односи и продолжување на соработката.

Талибанците бараат да се обратат на Генералното собрание на ОН

Состанокот се случува додека меѓународната заедница се соочува со дилема дали да ги признае талибанците како водачи на Авганистан по нивното преземање на власта. Светските сили отворија канали за комуникација со групата, истовремено нагласувајќи дека тоа не значи признавање.