Марковиќ - Откажувањето од ЕУ ќе го направи Преспанскиот договор бесмислен
Откажувањето од сонот за ЕУ ќе го направи Преспанскиот договор комплетно бесмислен. Бесмислен во оној дел каде што ние го прифативме затоа што сакавме да отвориме некаква перспектива за државата. Инаку тој како решение со Грција со кое ние затвораме еден огромен проблем и тоа како има смисла, меѓутоа луѓето не ја гледаат на тој начин неговата инструментална вредност, туку само идентитетските консеквенци. Во таа смисла, тој инструментален дел на отворање на нашата евроатлантска перспектива ќе биде обесмислена како битен конститутивен елемент на Преспанскиот договор, вели универзитетскиот професор Ненад Марковиќ во неделното интервју на Радио Слободна Европа.