Нобелова награда за мир на новинарите Реса и Муратов

Добитници на годинашната Нобелова награда за мир се новинарката од Филипини, Марија Реса и новинарот од Русија, Дмитриј Муратов, за нивните напори да обезбедат слобода на изразување, што е предуслов за демократија и траен мир, изјави претседателот на норвешката Нобелова комисија, Берит Рајс објави Ројтерс.

Реса е новинар и писател од Филипините, додека Мурат е главен и одговорен уредник на рускиот весник „Новаja газета“.

Во минатата година наградата ѝ беше доделена на Светската програма за храна на Обединетите нации. На 1 март, Нобеловата фондација објави дека вкупно 329 кандидати биле номинирани за годинашната Нобелова награда за мир. Претходно, јавно се споменуваа имињата на некои луѓе кои би можеле да бидат кандидати, а тоа се активистката за животна средина Грета Турнберг и противникот на Кремљ, Алексеј Навални. Се споменуваат и Светската здравствена организација (СЗО), Алијансата за вакцини (ГАВИ), Високиот комесаријат на ОН за бегалци (УНХЦР) и Репортери без граници (РСФ). Норвешкиот комитет за мир нема навика да ги објавува имињата на кандидатите на медиумите или на самите кандидати.

Во Осло ќе биде објавено името на добитникот на Нобеловата награда за мир

Нобеловата награда за литература за танзанискиот писател Абдулразак Гурна

Наградата за мир се доделува во Осло, за разлика од другите Нобелови награди доделени во Стокхолм, и традиционално се предава на 10 декември, денот на смртта на основачот на наградата, шведскиот научник и индустријалец Алфред Нобел (1833-1896), пронаоѓач на динамитот. Нобеловата сезона започна во понеделникот со објавувањето на добитникот на Нобеловата награда за медицина. Нобеловата награда се состои од златен медал, диплома и чек од околу милион евра.