Мицкоски- Никој нема право да си игра со заслугите за борбата против фашизмот
Претседателот на ВМРО-ДПМНЕ, Христијан Мицкоски денеска упати честитка по повод 11 Октомври, во која вели дека празникот е врежан во колективната меморија на Македонија, како ден кога слободољубивоста повела и потоа победила.
„Ако некои народи велеа дека е подобро да се живее на колена, отколку да се загине на нозе, нашиот народ реши да се исправи на нозе и да крене глава за слобода, и се запиша помеѓу народите предводници на антифашистичката борба. Ние им ја должиме слободата на тие што се избориле за неа, но им должиме и на идните генерации, нашите синови и ќерки, нашите внуци да им ја оставиме слободата каква што сме ја добиле. И да се бориме за напредок, за добар живот и за стабилност и сигурност за секој човек“, истакна Мицкоски.
Џафери- Лекциите од минатото да се научат, поделбите не носат ништо добро
Според него, никој нема право да прави трговија со колективната заслуга на земјата во борбата против фашизмот.
„Партизаните, нашите втори илинденци залудно не газеа по снеговите, не се бореа и гинеа за слободата за да денес прелесно допуштаме поигрување со таквото наследство, врежано во колективната меморија на слободарските антифашистички народи во Светот, на чие наследство како Македонија имаме полно право да се повикуваме. Никој нема право, а најмалку тие кои ја водат државата, да внесуваат сомнежи, ниту поделби или да прават трговија со нашата колективна заслуга во борбата против фашизмот. Наша задача денес е да издвојуваме победа на разумот, на нашето право да создаваме нова иднина за нашите луѓе. Тоа е иднина темелена на морал и принципи. Нашите луѓе се пркосни, храбари, работливи и знаат што сакаат. Овој народ си ја сака среќата и местото под ова парче небо. И овој народ ќе се избори. За многу години 11-ти Октомври. Вечно да се паметат хероите од Антифашистичката борба“, истакна Мицкоски.