Осудени 13 политички активисти во Казахстан

Казахстанскиот суд осуди 13 политички активисти за обвиненија поврзани со екстремизам, кои тие ги отфрлаат. Сите активисти биле дел од забранетиот Демократски избор на Казахстан на бизнисменот и поранешен министер за енергија Мухтар Абијазов, кој беше осуден во отсуство за убиство и проневера.

Четворица активисти добија пет години затвор. Останатите деветмина добија различни ограничувања, односно условни казни во времетраење од една до две години, при што седуммина исто така беа осудени на 100 часа принудна работа годишно. На деветтемина осудени нема да им биде дозволено и да го сменат местото на живеење или да ги напуштат границите на градот Алмати.

Рочиштето кое се одржа преку интернет, а обвинетите се појавија од истражниот затвор, беше прекинато неколку пати, бидејќи тие скандираа: „Ние не сме екстремисти!“

За време на судењето, обвинетите тврдеа дека учествувале само во мирни протести и ги користеле своите уставно заштитени права. Меѓународното биро за човекови права и владеење на правото во Казахстан издаде соопштение во кое ги осудува казните и вели дека тие покажуваат дека авторитарниот систем нема да дозволи да се здружат луѓето наменети за демократски промени.

Извршители и полицајци убиени при обид да иселат луѓе во Казахстан

Абијазов е отворен критичар на казахстанските власти, кој водеше повеќе битки за екстрадиција поради обвинувањата дека проневерил милијарди. Владата ја прогласи неговата партија за „екстремистичка“ организација во март 2018 година.

Хјуман рајтс воч претходно оваа година ја критикуваше казахстанската влада дека ги користела законите за анти-екстремизам како чекор за прогон на критичари и граѓански активисти. Казахстанските власти инсистираат дека нема политички затвореници во оваа централноазиска земја.