Нови 130 заразени со ковид, шест починати
Министерството за здравство информира дека согласно во последните 24 часа направени се 1.843 тестирања, а регистрирани се 130 нови случаи на ковид19. Од нив најмногу во Скопје-88 и во Кавадарци десет, а во неколку други градови има едноцифрена бројка новозаразени.
Во текот на изминатите 24 часа починале шест лица, најмладиот на 27 години, а највозрасниот на 80 години. За истиот период регистрирани сe 423 оздравени пациенти.
Вкупната бројка на ковид дијагностицирани лица во нашата земја од почетокот на епидемијата изнесува 195.132 бројката на оздравени пациенти е 181.619, на починати е 6.855, а бројот на активни случаи изнесува 6.658.