Напаѓачот со лак и стрела оди во притвор во медицинска установа
![Напаѓачот со лак и стрела оди во притвор во медицинска установа](https://gdb.rferl.org/023f0000-0aff-0242-ffbe-08d98edc2fb1_w800_h450.jpg)
Човекот кој е осомничен дека во Норвешка уби пет луѓе во напад со лак и стрела да биде задржат во притвор во медицинска установа, нареди Норвешкиот суд. Во установата експерти треба да го проценат неговото ментално здравје, одлучи Судот.
Триесет и седумгодишниот Еспен Андерсен Братен, кој е дански државјанин и кој преминал во ислам, ќе остане во притвор четири недели, од кои првите две во целосна изолација, одлучи денеска судијата.
Потребна е целосна психијатриска евалуација за да се утврди дали Братен може да биде законски одговорен за своите постапки. Ако психијатрите утврдат дека е ментално болен, тој би можел да биде ограничен на психијатриска нега, а не да се соочи со можна затворска казна.
Данецот кој уби петмина во Норвешка со лак и стрела преминал во ислам
Истражителите велат дека Братен ги признал нападите кои се случија на 13 октомври на различни локации во градот Конгсберг, југозападно од главниот град Осло.
Во нападите загинаа четири жени и еден маж, а ранети се уште три лица.
Властите рекоа дека нападот изгледа како терористички чин, но не отфрлаат дека можеби станува збор за чин на ментално нестабилна личност.
Братен и бил познат на полицијата претходно поради стравувањата дека се радикализирал.