Влада: Се стопира изградбата на Прифатниот центар за странци во Бардовци
![Влада: Се стопира изградбата на Прифатниот центар за странци во Бардовци](https://gdb.rferl.org/e9e6e70e-6d8d-443f-b48e-fadb71079390_w800_h450.jpg)
Владата на денешната седница донесе одлука за стопирање на изградбата на Прифатниот центар за странци во Бардовци и негово преместување на локација надвор од населено место.
Ова, како што е објавено на фејсбукот на Владата, доаѓа како одговор на барањето на граѓаните од Бардовци и Волково кои со месеци протестираа против изградбата на центарот.
Спасовски: Се гради нов „Прифатен центар за странци“
„Граѓаните имаа оправдани дилеми поради што неколку пати за ова се обраќаат до централните институции, Општина Карпош и до меѓународната заедница. Во директна комуникација со граѓаните на Бардовци, Владата ги уважува нивните аргументи и во транспарентна постапка ќе бара нова локација надвор од населено место со цел реализација на овој важен проект“, пишува во објавата на Владата на Фeјсбук.