Преговорите за иранската нуклеарна програма продолжуваат во ноември
Преговарачот Али Багери Кани на Твитер напиша дека имал „сериозен и конструктивен разговор за основните елементи за успешни преговори и дека по средбата со претставниците на ЕУ во Брисел е одлучено преговорите да започнат пред крајот на ноември“.
„Точниот датум ќе биде објавен следната недела“, изјави Кани, пренесува Ројтерс.
Техеран и шесте светски сили започнаа преговори во април за начините за спас на нуклеарниот договор од 2015 година, кој беше напуштен од преодната американска администрација.
Иран и ЕУ ќе разговараат за иранското нуклеарно прашање
Координаторот на ЕУ за нуклеарни преговори во посета на Иран
Преговорите за враќање на усогласеноста со договорот се во мирување откако беше избран новиот претседател на Иран, Ебрахим Раиси. Се очекува тој да преземе цврст пристап доколку преговорите продолжат во Виена.
По шест рунди преговори, Техеран и Вашингтон сè уште не се согласуваат околу тоа кои чекори да преземат и кога, а клучните прашања се кои границите кои ќе ги прифати Техеран и кои санкции Вашингтон ќе ги отстрани.
„Враќањето на Америка на договорот не ни е важно. Она што е важно е исходот од преговорите да биде во корист на Иран“, изјави иранскиот министер за надворешни работи Хосеин Амирабдолахиан на прес-конференција. Тој, исто така, го повтори барањето на Иран за ослободување на неговите средства замрзнати поради американските санкции.