Потрошувачката кошничка поскапа за 200 денари, ССМ бара зголемување на платите
Минималните трошоци на едно четиричлено семејство во октомври се зголемени за 200 денари во однос на септември, покажуваат податоците на Сојузот на синдикати на Македонија. ССМ секој месец ја изработува синдикалната потрошувачка кошничка и според нивните податоци синдикалната минимална кошничка во октомври изнесувала 34.584 денари.
На Македонија и се заканува раст на сиромаштијата поради ковид-19
Речиси половина од парите се наменети за храна, односно прехрамбените производи учествуваат со 42,7 проценти во вкупната структура на кошничката или за храна и пијалоци потребни биле 14.779 денари.За режиски трошоци биле потребни најмалку 10.879 денари, а за хигиена 2.390 денари.
„Поради се по евидентното зголемувањето на цените, очигледно е дека ни треба зголемување на платите со кој ние како работници без да се грижиме за нашата егзистенција ќе можеме да си ги овозможиме најмалку трошоците во висина на една синдикална потрошувачка кошница. Затоа, апелираме да бидат прифатени забелешките на синдикатите во врска со зголемувањето на платите за да не продолжи трендот на осиромашување на граѓаните“, велат од Синдикатот.
Повисоките цени ја продлабочуваат сиромаштијата
Оттаму оценуваат дека е оправдано барањето за зголемување на минималната плата на 18.000 денари и линеарно зголемување на останатите плати.