Општина Чаир одобри пари за семејствата на жртвите во автобуската несреќа
Советот на Општина Чаир денеска на вонредна седница одлучи да им се додели парична помош на семејствата чии роднини ги загубија животите во автобуската несреќа во Бугарија.
Од Општината соопштија дека парите предвидени за новогодишно украсување ќе бидат пренаменети за семејствата на загинатите.
Градоначалникот на Чаир, Висар Ганиу рече дека 1.200.000 денари(20 илјади евра) ќе бидат ставени на сметката постојани резерви. Формирана е и Комисија која ќе одлучува за распределба на овие пари.
Ученици од „Исмаил Ќемали“ маршираа за настраданите соученици во автобуската несреќа
Ганиу вчера рече дека 16 од жртвите се со адреса од општина Чаир.
Во автобуската несреќа на македонски превозник во Бугарија загинаа 46 луѓе, а седум се повредени.