Погребна миса за јужноафриканскиот надбискуп Туту

Погребната миса за јужноафриканскиот надбискуп и борец против апартхејдот Дезмонд Туту се одржа денеска во англиканската катедрала во Кејптаун. Добитникот на Нобеловата награда за мир Туту, кој помогна во окончувањето на апартхејдот во Јужна Африка, почина на 26 декември на 90-годишна возраст. Тој сакаше едноставна погребна церемонија и сам ги избрал текстовите и говорниците.

Илјадници луѓе му оддадоа последна почест на починатиот надбискуп во катедралата Свети Џорџ, каде што неговото тело беше изложено неколку дена во едноставен ковчег.

Дезмонд Туту беше движечка сила на движењето на окончување на политиката на расна сегрегација и дискриминација врз белото малцинство против црното мнозинство во Јужна Африка од 1948 до 1991 година.

Целата измината недела беше одбележана со церемонии посветени на Дезмонд Туту. Урната со неговата пепел ќе биде положена во црквата Свети Џорџ во Кејптаун каде што 35 години служеше како надбискуп. 

Почина јужноафриканскиот надбискуп Дезмонд Туту, икона на борбата против апартхејдот

Во 1984 година, тој ја доби Нобеловата награда за мир за неговото ненасилно спротивставување на апартхејдот. Една деценија подоцна, тој дочека крај на апартхејдот и претседаваше со Комисијата за вистина и помирување, формирана да ги открие злосторствата извршени за време на апартхејдот.