Поставен „здравствен меур“ околу местото на одржување на ЗОИ во Пекинг

Таканаречен „здравствен меур“ против коронавирусот денеска е поставен околу местото на одржување на Зимските олимписки игри во Пекинг, еден месец пред почетокот на натпреварот.

Кина, земјата каде што избувна епидемијата на коронавирус на крајот на 2019 година, во голема мера ја искорени болеста со примена на многу строги мерки за следење и сузбивање на вирусот и вакцинација.

За да пречекаат околу 3.000 спортисти и членови на нивните тимови, организаторите поставија „здравствен меур“ пред пристигнувањето на првите учесници, за да избегнат каков било контакт меѓу луѓето од странство и локалното население.

Кина се бори со разгорување на ковид епидемијата пред Олимписките игри

Бариерите ќе ги задржат минувачите на безбедно растојание од објектите планирани за игрите, како што е Олимпискиот стадион, каде што ќе се одржи церемонијата на отворање на 4 февруари.

„Во рамките на „меурот“, ќе воведеме многу строги здравствени мерки, вклучително и дневни тестови за корона вирусот, за да се осигураме дека случаите на инфекција се откриваат брзо. Силно ја препорачуваме третата доза. Внимателно ја следиме новата варијанта на омикрон и нејзиното глобално влијание “, рече Жао Веидонг, член на Организацискиот одбор.

Сите странски натпреварувачи мора да бидат вакцинирани, а останатите да бидат во карантин три недели.

Кинеските спортисти и персоналот во „меурот“, волонтери, возачи, готвачи, нема да можат да го напуштат балонот до Параолимписките игри кои се на програмата од 4 до 13 март. Само жителите на Кина можат да присуствуваат на натпреварот.