САД одобрија продажба на воена опрема на Полска

Американските власти одобрија продажба на воена опрема во вредност од 6 милијарди долари на Полска поради зголемените тензии меѓу Западот и Русија во Источна Европа.

Во договорот за продажба објавен на 18-ти февруари од страна на американскиот секретар за одбрана Лојд Остин се вклучени 250 борбени тенкови.

Договорот сепак мора да биде одобрен од Конгресот на САД, каде Полска генерално добива голема поддршка од партиите.

За време на престојот во Варшава, Остин се осврна на распоредувањето на руски војници околу Украина, што претставува ризик од можна инвазија на Кремљ врз нејзиниот сосед.

Неколку земји ги повикаа своите граѓани да ја напуштат Украина поради страв од руска инвазија

„Некои од тие војници се на 321 километар од полската граница. Ако Русија ја нападне Украина, Полска може да се соочи со десетици илјади раселени Украинци на нејзината граница, во обид да се спасат себеси и своите семејства од војната“, изјави Остин. 

Русија негира дека планира да ја нападне Украина.

Нови сателитски фотографии покажуваат зголемена руска воена активност кај Украина

Пентагон, пак планира да постави база за ракетна одбрана во Полска, како сојузник на НАТО.

Војската на САД веќе распореди речиси 5.000 дополнителни американски војници и борбени авиони во Полска.