Османи на средба со поранешните амбасадори во Софија

Министерот за надворешни работи Бујар Османи имаше средба со поранешните македонски амбасадори во Бугарија – Никола Тодорчевски, Александар Василевски и Марјан Ѓорчев. Средбата беше реализирана како дел од пошироките консултации на министерот Османи со истакнати личности од областа на надворешната политика, а поврзано со актуелниот политички дијалог со Република Бугарија, соопшти МНР.

Османи ги запознал соговорниците со текот на разговорите.

Договорот со Софија во преговарачка рамка-европските критериуми надвор

Министерот Османи изразил интерес за ставовите на поранешните амбасадори, имајќи го предвид нивниот мандат во Софија и доброто познавање на земјата.

„Во оваа фаза на разговори, секоја сугестија и размислување е добредојдена и корисна, со цел размена на мислења и креирање на кохезивност за клучните прашања од стратешки интерес за Северна Македонија“, истакнал Османи.

Министерот Османи ги информира своите соговорници и дека во тек е процедурата за назначување на нов амбасадор во Бугарија, соопшти МНР.

Бугарија го блокира почетокот на преговори на Македонија со ЕУ, со тврдење дека земјава ја краде бугарската историја и дека македонскиот јазик е дијалект на бугарскиот.

Двете земји разговараат за надминување на проблемите.