Нови 86 случаи со Ковид-19 и 87 оздравени пациенти

Во последните 24 часа направени се 1.167 тестови, а регистрирани се 86 нови случаи со ковид-19 и 87 оздравени пациенти.

Од вкупниот број на позитивни 18 се реинфекции.

Во текот на изминатите 24 часа не се пријавени починати лица.

Согласно регистарот на умрени лица со дијагноза КОВИД-19 од „Мој Термин“ дополнително е регистрирано едно починато лице од Демир Капија (74г), кое починало на 29.04.2022 година во болнички услови, соопшти Министерството за здравство.

Комисијата за заразни болести ќе прави симулација за можен петти ковид бран

Досега во земјава се направени вкупно 2.043.694 тестирања на КОВИД-19. Вкупниот број КОВИД-дијагностицирани лица во земјава од почетокот на епидемијата изнесува 311.199, бројот на оздравени пациенти е 301.361, на починати е 9.297, а на активни случаи изнесува 541.