Албанија го одложи пописот на населението планиран за октомври
Албанија го одложи за идната година пописот на населението и становите планиран за октомври годинава, соопшти Институтот за статистика – ИНСТАТ. „Во услови на необезбедување алатки потребни за собирање информации на терен, невозможно е да се спроведе оваа активност. Институтот за статистика останува посветен на својата цел да го спроведе пописот на населението и становите во согласност со стандардите и препораките на Обединетите нации и Статистичката канцеларија на Европската унија (Евростат), се наведува во соопштението, што го пренесе Топ чанел.
Ѓурѓај: Тирана треба да ја спречи антимакедонската пропаганда од Бугарија
Ова е вторпат како се одложува спроведувањето на оваа статистичка операција. Првиот пат одложувањето беше поради ситуацијата создадена од пандемијата со ковид-19. Потоа, ИНСТАТ одлучи на 1 октомври годинава официјално да започне пописот на населението, за што почна спроведување на потребните подготвителни активности.