Се урна кров на станбена зграда во Египет, најмалку двајца загинати
Најмалку две лица загинаа утринава во градот Александрија во Египет, кога се урна покривот на трикатна станбена зграда.
Едно лице е повредено, а причината за несреќата сè уште е непозната, објави египетската новинска агенција МЕНА.
Жртвите биле во сервис за електронска опрема во зградата кога се урнал кровот, наведува агенцијата, повикувајќи се на неименувани извори.
Уривањето згради е честа појава во Египет, и главно е последица на нелегалната градба и неодржување на зградите, посебно во сиромашните населби.