Сиљановска-Давкова во САД на 80. Генерално собрание на ОН
Претседателката Гордана Сиљановска-Давкова денеска заминува во работна посета на Соединетите Американски Држави, каде што ќе учествува на 80. Сесија на Генералното собрание на Обединетите Нации во Њујорк.
Сиљановска-Давкова ќе се обрати на генералната дебата и ќе учествува на повеќе самити, лидерски форуми и состаноци на високо ниво што се одржуваат во рамки на Генералното собрание.
Предвидена е и средба со генералниот секретар на ОН, Антонио Гутереш, како и билатерални средби со светски лидери.
Годинашната сесија се одржува под мотото: „Подобро заедно: 80 години и повеќе за мир, развој и човекови права“.
За време на посетата на САД, претседателката ќе го посети и градот Детроит.