Ловци од носачот „Адмирал Кузнецов“ почнаа да летаат над Атлантикот
Според снимките кои ги направи фрегатата на норвешката Воена морнарица „Фритјеф Нансен“, задолжена да го следи движењето на руската бродска група во близина на норвешките територијални води, од рускиот носач на авиони полетал авион-ловец од четврта генерација Су-33, пренесува „Взгљад“.
Носачот на авиони „Адмирал Кузнецов“ плови кон Средоземното море
Во саботата бродската група на чело со носачот на авиони „Адмирал Кузнецов“ и крстосувачот на нуклеарен погон „Петар Велики“ исплови кон Средоземното море со цел обезбедување на воено-поморско присуство на руските сили во оперативно важните делови на светските води.
Воената морнарица на Велика Британија го засили режимот на борбено дежурство во врска со испраќањето на руската група во Средоземното море.